MEER OOR ONS
Ontsluit elke kind se unieke potensiaal deur persoonlike en opwindende leer.
Daar word verwag van leerders om in ‘n ‘boks’ te dink, te leer en groot te word. Daarom het ons ‘n akademie en naskool geopen om ‘n leeromgewing te vestig wat elke kind se individuele leerstyl benut, maar ook die gebiede versterk waar hulle struikelblokke in die gesig staar . Maar veral om leer pret en opwindend te maak en elke leerder te betrek.
ONTMOET ONS SPAN
Kenners in die skep van 'n blink toekoms
Anchen Joubert
Gekwalifiseerde onderwyser met 'n honneursgraad gespesialiseerd in "Barriers of Education" tans ingeskryf vir haar meestersgraad met 9 jaar onderwyservaring. Mamma van twee woelige seuntjies met 'n passie vir onderrig.
DIREKTEUR
Jolene Perkins
Liefde en passie vir die kinders is haar dryfkrag vir alles wat sy doen. Die kinders se beste belang is altyd haar prioriteit nommer een. Sy skep 'n veilige omgewing vir elke kind om hom-/ haarself te kan wees en veilig te voel om vrae te vra. Sy maak seker dat elke kind hul volle potensiaal bereik.
SKOOLHOOF
Kayla Leahy
Sprankelend en passievol, maar ook streng en konsekwent in haar klas. Sy skep 'n energieke leeromgewing waar kinders graag deelneem. Sy hou daarvan om te sien hoe elke leerder met selfvertroue groei.
WAARNEMENDE ADJUNKHOOF
Stephanie Prinsloo
Hardwerkend, passievol, en 'n jong juffrou met 'n groot hart. Stephanie stel altyd haar leerders eerste en haar passie vloei deur alles wat sy aanpak. Sy neem graag deel aan kerk- en gemeentskapsaktiwiteite.
JUFFROU
Dalene Janneke
Toegewyd en liefdevol. Sy bou vertrouensverhoudings met haar leerders en geniet dit om kreatiewe leerervarings te skep waar almal kan groei.
JUFFROU
Chazelle Jordaan
Nuut gekwalifiseerde juffrou wat met geduld, kalmte en liefde werk. Sy glo elke kind leer op sy eie manier en sy gee graag die ondersteuning wat hulle nodig het om te skitter.
JUFFROU
Tannie Nicole
Tannie Nicole bak daagliks die lekkerste muffins en berei al die nageregte voor. Sy is energiek en speel graag saam die kinders op die trampolien.
ASSISTENT KOK EN SKOONMAKER
Tannie Evy
Evy werk al meer as 15 jaar in ons familie. Haar melkkosresep (wat sy steeds nie met ons wil deel nie) is die kinders se gunsteling
KOK EN SKOONMAKER
Oom Timbie
Oom Timbie is 'n boffen in die tuin. Hy ken al die geheime om ons grasperk so mooi groen te hou. Hy maak seker dat ons skool altyd netjies is.